设为主页 | 加入收藏 | 帮助
当前位置:首页 > 名报拆局 > 太阳报

皇馬半場勝菲買不可

2020/7/2 19:45:19
贏埋今仗帶開4分
今晚西甲尾場上演馬德里市打吡,皇家馬德里喺B隊嘅迪史堤芬奴球場迎戰基達菲。「銀河艦隊」弗到漏油,而且基達菲係佢哋嘅「私房菜」,幾乎次次都由頭贏到落尾,喺賽程頻密下,隨時又玩速戰速決,半場主勝值得捧場。(Now 632周五凌晨4時直播)

皇馬自復賽後即刻入局,聯賽豪取5連勝,趁住巴塞連番失分,依家打少1場下領先巴塞1分,位居榜首,由於巴塞啱啱又打和馬體會,若果皇馬今仗贏波,就可甩開4分,全面掌握爭標主導權。同時,皇馬後衞費蘭特文迪及中場莫迪歷停賽完畢,今場可以候命,主帥施丹雖然擅用輪換制,但個別主力如卻奧斯甚少獲得休息,「魔笛」及時復出,可輪換呢位德國國腳之餘,中場組織力亦唔會削弱,可為箭頭賓施馬(圖)輸送彈藥。

基達菲近況往績輸晒
另一邊廂,季初狀態不俗嘅基達菲,復賽後戰績大插水,近5場聯賽只得1勝3和1負,其中3場更喺領先下被對手逼和或反勝,防守堅唔穩陣。翻查紀錄,基達菲近年畀皇馬食住,近7次聯賽交手,「銀河艦隊」唔單止取得6勝1和未輸過,呢6場勝仗更全部喺上半場已取得領先優勢,最終由頭贏到落尾,非常搶韁,喺復賽後咁頻密賽程下,「銀河艦隊」為免耗力太大,必想早早入波鎖定勝局,半場主勝有計。
上一条:曼晚安热尔戈梅斯计划前往英国海外俱乐部,暂未定下家 下一条:没有资料
消费流程  |   如何消费  |   充值说明  |   关于我们  |   常见问题
所有资讯仅用作中国足球彩票之参考。彩市有风险,购彩需谨慎!飞腾足球网不对彩民任何购买行为负责。
以上条款,飞腾足球网在不违背有关法律、法规,不违反公共道德准则的情况下,由飞腾足球网作出最终解释、补充,或另行约定附则。
Copyright © 飞腾足球