设为主页 | 加入收藏 | 帮助
当前位置:首页 > 名报拆局 > 太阳报

PSG半場開大餐

2020/10/2 11:18:05
追月夜熱食私房菜
今晚追月夜有法甲上演,由巴黎聖日耳門(PSG)主場迎戰昂熱。出閘脫腳嘅PSG,自從基利安麥巴比復出後,已經重上正軌,挾3連勝之勢,撞正「私房菜」昂熱必定速食,但主勝、半場主勝冇肉食,轉玩1.5球嘅半場大好過。(myTV Gold 302、Now 639、714、有線655及615台周六凌晨3時直播)

由於PSG上屆殺入歐聯決賽,踢到8月尾先收咧,雖然比其他法甲球隊遲開咧,但只係抖咗兩星期,仲有多名球員確診新冠肺炎,包括射手基利安麥巴比,結果頭兩輪聯賽輸晒,其中輸畀馬賽嗰場更開大片,令到古沙華、迪馬利亞今仗繼續坐波監。好彩喺第3輪幾經辛苦擊敗梅斯後,迎來麥巴比病愈復出,呢位神童協助PSG連贏尼斯同蘭斯,佢入1粒之餘,上場更兩番妙傳莫路伊卡迪建功,可見有番麥巴比,令PSG嘅進攻暢順番晒,就算尼馬養傷都冇有怕。

昂熱箭頭弗防線紙紮
雖然昂熱開季5戰3勝,表現唔錯,箭頭史提芬尼巴賀根近3場亦入2球,可惜防線唔穩,近4場失咗8粒,遇上已經復甦嘅PSG,肯定備受考驗。睇番PSG近5次聯賽對住昂熱,唔單止贏晒,仲入咗16粒,其中4次半場開2球或以上,明顯想先發制人,既然主勝、半場主勝賠率咁奀 ,1.5球嘅半場大更值得捧場。
上一条:英聯盃攻略雙紅「大」戰再度上演 下一条:没有资料
消费流程  |   如何消费  |   充值说明  |   关于我们  |   常见问题
所有资讯仅用作中国足球彩票之参考。彩市有风险,购彩需谨慎!飞腾足球网不对彩民任何购买行为负责。
以上条款,飞腾足球网在不违背有关法律、法规,不违反公共道德准则的情况下,由飞腾足球网作出最终解释、补充,或另行约定附则。
Copyright © 飞腾足球