设为主页 | 加入收藏 | 帮助
当前位置:首页 > 名报拆局 > 太阳报

德國餓W開大餐

2020/10/10 20:19:54
「薩克達群組」烏克蘭散咗半隊
周日凌晨歐國聯A4組賽事,德國將會作客陣容天殘地缺嘅烏克蘭,極大機會打開今屆勝利之門。主隊烏克蘭受到新冠肺炎同傷患問題影響,連退咗休嘅45歲助教舒高夫斯基,亦要臨時復出擔任後備龍門,上場熱身賽1比7不敵法國,顯示烏克蘭依家戰鬥力極低,德國今場大勝可期,中位數2.5球入球大係最佳選擇。

(香港開電視77台、有線602、603及662台周日凌晨2時45分直播)

烏克蘭今屆歐國聯1勝1負,首戰2比1擊敗瑞士後,第2場面對西班牙慘吞4蛋。由名將舒夫真高領軍嘅烏克蘭,今屆目標唔會定得太高,志在為明年展開嘅歐國盃練兵,況且佢哋今次陣容天殘地缺,後防更成重災區,效力薩克達嘅門將比耶托夫上星期確診新冠肺炎之後,另外2名門將盧連同彭堅夫亦連環受感染,上場熱身賽對法國只能起用首次上陣嘅布斯真把關,結果呢個新仔首演即被轟入7球,而後備門將位置更要由助教舒高夫斯基頂上。

烏軍3位門將全中招
除鬧門將荒之外,由比耶托夫確診引發嘅「薩克達群組」,令烏克蘭大軍合共有6名薩克達球員齊齊退隊,當中包括後防核心人物麥維恩高,加上效力曼城嘅左閘辛真高因傷未有入選,令防守力進一步削弱。烏克蘭現時靠前鋒耶莫蘭高單天保至尊,希望能夠喺德國嘅不穩防線上偷雞。

德國上場熱身賽主場3比3打和土耳其,再次暴露出防線不穩問題,不過日耳曼兵團星將如雲,射手迪姆華拿、夏維斯、基拿比等進攻球員入球能力極有保證,相信可以用強大攻力彌補防線不足,況且德國近3場國際賽全部和波,極需要一場勝仗振奮士氣,肯定全力盡炒由二線兵掛帥嘅烏克蘭,加上烏克蘭近3場歐國聯賽事,總入球全開3球或以上,今場開「大」機會高唱入雲。
上一条:英格蘭三球發威 下一条:没有资料
消费流程  |   如何消费  |   充值说明  |   关于我们  |   常见问题
所有资讯仅用作中国足球彩票之参考。彩市有风险,购彩需谨慎!飞腾足球网不对彩民任何购买行为负责。
以上条款,飞腾足球网在不违背有关法律、法规,不违反公共道德准则的情况下,由飞腾足球网作出最终解释、补充,或另行约定附则。
Copyright © 飞腾足球