设为主页 | 加入收藏 | 帮助
当前位置:首页 > 名报拆局 > 太阳报

成年冇夾過哥倫比亞捱細界

2020/10/10 20:20:06
聽朝另一場世界盃外圍賽南美洲區賽事,傳統勁旅哥倫比亞主場迎擊委內瑞拉。論牌面主隊當然勝一籌,但喺疫情影響下,南美洲國家隊近1年未有比賽,久疏戰陣令合作性同隊形難免受影響。委內瑞拉自知技不如人,球員惟有走多步睇吓偷唔偷到雞,預料入波唔多,捧2.5球入球細穩陣。(周六早上7時30分開賽)

哥倫比亞上屆世盃外圍賽排第4,今屆主力陣容仍然維持,占士洛迪古斯、法卡奧、古達度及奧斯賓拿等老大哥繼續擔當重任,其中「J神」今季更喺愛華頓重生,不過佢喺球會有唔少年輕隊友走位配合,返到國家隊身邊多為老將,活力驟減,未必可以發揮到佢最大威力。

委內瑞拉死守望搶分
事實上,原定3月展開嘅外圍賽因疫情推遲至10月,哥倫比亞對上一場賽事已經數到上年11月,葡萄牙籍主帥奎羅斯喺停擺期間直頭飛返歐洲,國家隊處於癱瘓狀態,對向來以組織性踢法為主嘅哥倫比亞嚟講,缺乏備戰影響相當大。

作客嘅委內瑞拉上屆外圍賽排包尾,不過曾經試過作客1比1打和阿根廷,同1比0贏巴拉圭,今場全軍退守,未必冇搶分機會。翻查往績,哥倫比亞近8次對委內瑞拉,有7次總入球開2球或以下,今場梗係追2.5球嘅細盤。
上一条:奧斯爾落選歐霸戰陣 下一条:没有资料
消费流程  |   如何消费  |   充值说明  |   关于我们  |   常见问题
所有资讯仅用作中国足球彩票之参考。彩市有风险,购彩需谨慎!飞腾足球网不对彩民任何购买行为负责。
以上条款,飞腾足球网在不违背有关法律、法规,不违反公共道德准则的情况下,由飞腾足球网作出最终解释、补充,或另行约定附则。
Copyright © 飞腾足球